گوجرانوالہ (سی این این نیوز) فیڈرل انویسٹی گیشن ایجنسی (ایف آئی اے) نے بلٹ پروف گاڑیاں بنانے والی 2 غیر قانونی فیکٹریاں پکڑ لی ہیں اور 4 ملزمان کو گرفتار کر لیا ہے۔ تفصیلات کے مطابق ملک میں کسی لائسنس اور اجازت کے بغیر بلٹ پروف گاڑیاں بننے لگی ہیں اور اب تک 70 سے زائد گاڑیاں بلٹ پروف بنائی جا چکی ہیں ۔ ایف آئی اے نے غیر قانونی طور پر بلٹ پروف گاڑیاں بنانے والی 2 فیکٹریوں پر چھاپہ مار کر 4 ملزمان کو گرفتار کر کے بلٹ پروف شیشے اور دیگر سامان قبضے میں لے لیا ہے۔ ایف آئی اے کے نمائندے پرویز شاہد نے نجی ٹی وی سے گفتگو کرتے ہوئے بتایا کہ یہ دونوں کمپنیاں بغیر لائسنس کے بلٹ پروف گاڑیاں بنا رہی تھیں۔
0 comments:
Post a Comment